Чеченьскый лідер Рамзан Кадыров у розговорі одвысыланім в понедільок выголосив, же є приготовленый абдіковати, причім о його наступникови бы мав рішыти Кремель. Інформовала о тім аґентура Reuters. Кадыров є обвиньованый із порушованя людьскых прав і твердых політічных выголошінь, котры роблять проблемы Кремлю. Бывшый ісламістічный повстанець веде Чечну од 2007-го року і влони в марці го російскый презіднет Владимір Путін повірив продовжованьом у функції. Кадыров на вопрос, ці є приготовленый резіґновати, повів, же може є то його сон. Выголошіня лідра Чечны, яка была зничена двома гражданьскыма войнами, пришло в часі, коли ся обще очекує, же Путін оголосить далшу свою кандідатуру в презідентьскых выборах, котры будуть в марці. Кідь так зробить, подля дакотрых аналітіків бы могли його опоненты схосновати його повязаня з політіками як Кадыров, пише далше аґентура.
(Петро Медвідь)