x

Концерн Фолсваґен планує пересунути часть свойой выробы з Чехії до Німецька

00

Одборовый союз Шкода Авто, ческой філіялкы концерну Фолсваґен, погрозив, же зредукують надчасовы роботы, як матерська сполочность пересуне выробу дакотрых моделів Шкода до Німецька. Манажері Фолсваґену і одборы в Німецьку ся снажать обмежыти конкуренцію лацнішой Шкоды тым, же пересунуть часть єй продукції до Німецька. Хочуть тыж, абы ческа значка платила вецей за сполочны технолоґії. Ческы одборы варовали, же хоцьякый пересун выробы бы міг мати за наслідок страту аж 2000 робочіх місць в Шкоді, котра на кінці рока 2016 дала роботу 28 000 людям. Очікує ся, же напятя меджі значками концерну Фолсваґен кулмінує перед засіданям дозорной рады 17-го новембра, на котрім ся буде діскутовати о рочных інвестичных бютжетах.
(Петро Кімак-Фейко)