Косовскый премєр Албін Курті в пятніцю ознамив, же ёго держава зачала приїмати ілеґалных міґрантів депортованых зо Споєных штатів. TASR о тім інформує подля справы аґентуры AFP. Приїмаме тых, котрых Споєны штаты не хотять на своїй теріторії,“ увів Курті у четверь вечур з тым, же до Косова уж пришов ,,єден, ці двоє міґранты“. Влада Косова в юні была согласна зо жадостёв Споєных штатів, жебы приїмала депортованых міґрантів. Пріштіна втоды увела, же рочнї заты планує приїмати 50 депортованых особ. Косово уж підписало подобный договор з Даніёв а од року 2027 бы мало зачати приїмати 300 арештантів з даньскых арештів, за што здобуде 210 міліонів евр. Выразило тыж інтерес о приїманя депортованых з Брітанії.

(TASR, Шутіова)