x

Мадярьско заблоковало далшу транжу помочі про Україну

00

Мадярьско не схвалило приділіня далшой транжи воєньской помочі Україні із средств Европского мірного інштрументу. Аґентурі Reuters то потвердила прес-служба мадярьской влады. Европскый мірный інштрумент, котрый выникнув у 2021-ім році, є міморозрахунковым інштрументом, заміряным на звекшіня способности Европской унії передыйти конфліктам, будовати мір і укріпляти меджінародну безпечность. Мадярьско выголосило, же не є згодне з тым, жебы Унія вєдно з далшыма існуючіма інштрументами хосновала Европскый мінрный інштрумент „выключно на підпору Україны, бо не уможнює выділити достаточны средства на просаджованя інтересів Унії в іншых областях.“ Як іншы области, де бы ся грошы могли схосновати, Будапешть означіла наприклад Балкан або северну Африку.

(Медвідь, TASR)