Мадярьско в середу зрушыло дочасны контролі на внутрішніх шенґеньскых граніцях запроваджены в рамках охранных кроків проти пошырьованя нового тіпу коронавірусу, інформовала о тім мадярьска поліція на своїм вебсайті. Поліція высловила вдяку за терпеливость людям, головно особам, котры в складнішых обставинах были примушены перекрачовати денно граніці до сусідніх держав за роботов, але і вшыткым, котры мусили подорожыти за граніцю. Без обмеджінь до Мадярьска можуть іти люди з теріторії Хорватії, Австрії, Румунії, Сербії, Словакії і Словенії. Вынятком є подорожіня з тых країн комерчныма летадлами.

(Медвідь, TASR)