Македоньске міністерство внутрішніх справ у понедільок оголосило, же дало звекшену поліцайну охорону депутатам парламенту в Скопє, котры голосовали за зміну назвы державы. Інформацію принесла аґентура Associated Press. Міністер внутрішніх справ Олівер Спасовскі повів, же охорону звекшать вшыткым 80-ом депутатам, котры голосовали за зміну назвы на Северна Македонія. Стало ся так по тім, што дакотрым депутатам і членам їх родины ся хтось выгрожовав смертьов. Владі ся подарило здобыти 80 потрібных голосів наперек тому, же владна коаліція їх немала і было много крітікы із боку опозічных конзерватівців. Референдум о тій справі з кінця септембра быв неплатный, кедьже на нім взяло участь мале чісло голосуючіх, хоць векшына з них была за нову назву державы.
(Медвідь, TASR)