x

Макрон навщівить Польщу

00

Французькый презідент Еммануел Макрон слідуючій тыждень навжівить Польщу. Елізейскый палац інформовав, же тота путь буде ключова про розвиток союзницьтва Франції з европскыма партнерами, інформовала аґентура Associated Press. Презідент хоче пояснити французькы погляды на многы европскы вопросы, одкрыти новы области співпраці і підкреслити потребу охороны европскых демократічных вартостей. Макрон в попереднім періоді вецераз крітіковав польску владу, котра має з Европсков унійов споры. Як уточнила аґентура, 3-го фебруара у Варшаві абсолвує розговоры з польскым презідентом Анджейом Дудом і председом влады Матеушом Моравєцькым, котры будуть заміряны на области безпечности, обороны, енерґетікы, клімату, господарьства і промыслу.

(Медвідь, TASR)