x

Макрон ознамив кандідатуру у французьскых презідентьскых вольбах

00

Французьскый презідент Емануел Макрон у четверь вечур офіціално ознамив, же буде кандідовати в апрілёвых презідентьскых вольбах. Буде ся так уходити о другый функчный період. Інформовала о тім тискова аґентура AFP. В ,,листї Французім“ опублікованім у четверь на французьскых вебовых сторінках Макрон увів: ,,Зась ся уходжу о вашу довіру. Єм кандідат, котрый з  вами выдумать французьску і европску єднотну одповідь на вызвы того стороча.“ Макрон в минулости назначовав, же ся хоче уходити о зновузволїня в презідентьскых вольбах, котры ся будуть одбывати в двох колах 10. і 24. апріля, але офіціално то ознамив у четверь вечур, припомянула аґентура AP.

(TASR, Шутіова)