Словацька презідентка Зузана Чапутова ся в середу стрїтила в Берлінї з нїмецьков канцеларьков Анґелов Меркел. Окрем сітуації на словацькій політічній сценї Меркелову інтересовало і вышетрёваня вражды новинаря Яна Куцяка і ёго снубеніцї Мартіны Кушнїровой. Чапутова єй подля своїх слов повіла, же вышетрёваня є незалежне і зодповідне. ,,Несла ся у барз конштруктівнім дусї,” увела Чапутова на марґо стрїчі з тым, же на ход вышетрёваня Куцяковой вражды ся Меркелова просила окремо. Презідентка інформовала, же вышетрёваня подля нєй іде напрямом ку одгалїню винників і їх потрестаню.

(Шутіова, TASR)