Міністры заграничных справ 29 членскых країн НАТО в середу в Бруселі высловили охоту помочі амбіціям Босны і Герцеґовьны і дали можность даній балканскій країні, абы зробила вызнамный крок вперед на путі к припоїню ся до найвекшого обранного зґрупованя на світі. Шефове дипломацій з НАТО вызвали дану етнічні розділену балканску країну, абы і наперек наміткам боснянскых Сербів дала свій першый річный проґрам реформ заміряных на їх зладжіня з нормамі Аліянції. Штатный секретарь міністерства загранічных справ СР Франтішек Ружічка у данім звязку повів, „довгочасовов пріорітов Словацькой републикы є, же країны западного Балкану бы мали мати простор, абы ся посували в інтеґрачнім процесі і приближували ся к ЕУ і к НАТО.“
(TASR)