Североатлантічна аліанція бы могла в найблизшых днях спустити місію під назвов Арктічна сторож. Їй цільом буде посилнити моніторінґ і воєньскы капаціты в арктічнім реґіоні, як і ослабити арґументы Споєных штатів, же безпека в тій области не є достаточно ґарантована. Про аґентуру Reuters то потвердило пять джерел познакомленых із їднанями. О початку місії бы могли вырішыти міністры обороны членьскых держав НАТО уж почас тоготыждньового засіданя в Бруселі. НАТО минувшый тыждень потвердило, же почало із планованьом місії по розговорах америцького презідента Доналда Трампа із ґенералным секретарьом НАТО Марком Рутте. Тоты їднаня помогли змірнити напругы выкликаны Трамповыма высловами о можливім здобытю Ґренландії, автономной теріторії Данії.

(Медвідь, TASR)