Од днешнього дня на Пражскім граді ся одбывать історічно перше їднаня шыршого формату европскых країн, такзваного Евроспкого політичного сполоченства  (EPC). На сумміті были позваны представителі 44 европскых штатів, свою неучасть з внутрополітичных причін авізовала данска премєрка. Словакію заступує премєр Едуард Геґер. Главныма темами стрічі EPC суть безпечность і мір, енерґетіка, кліма і економічна кріза. Кедь же є пражске їднаня пешым свого сорту, є мож очікувати і дебату о дальшім продовжованю. Порадця чеського премєра про заграничны і безпечностны вопросы Поташ Пойар увів, же EÚ мать інтерес о споминаны стрічі два разы рочні, може то але быти і менше часто. (TASR, Pkf)