На Червенім намістю в центрі Москвы ся днесь зачала воєньска переглядка з нагоды 80. юбілея поражкы націстічного Нїмецька в другій світовій войнї. Переглядка ся одбывать за участи російского презідента Володимира Путїна і цїлого шору загранічных гостей, меджі котрыма є і председа влады СР Роберт Фіцо, як єдиный лідер країн Европской унії. День вітязства, котрый ся в Росії святкує 9. мая, є найважнїшым світьскым святом в державі. Тогорочны ославы затїнили справы о атакох україньскых дронів на Москву а важнім нарушіню ходу летїск в головнім містї. Російскы лїтецкый доправця Аерофлот в середу рано зрушыв веце як 100 летів до Москвы а з нєй а высше 140 далшых одложыв про удайну грозьбу україньскых дроновых атаків.

(TASR, Шутіова)