Недавны заливы в реґіоні Еміліа-Ромаґна на севері Італії запричинили шкоды за высше сім міліярд евр. Інформував о тім заступця ґувернера реґіону про цівілну охрану Ірене Пріолова, на котру ся одволала пресаґентура ANSA. Італійска влада покы выділила коло двох міліярд евр на поміч по заливах і на обнову даного реґіону. Чісло жертв нічівых залив, котры минулый тыждень постигли споминаный реґіон, ся звышыло на найменше 15. Італійска влада выголосила в середу День смутку. З прічіны розсяглых залив є 23.000 людей надале без стріхы над головов, уквартельованых в готелох, шпортовых галах ці на парохіях. (TASR, Pkf)