Ізраільскый премєр Бенъямін Нетанъягу в понедільок пополідне выголосив, же война буде продовжовати іщі „місяці“. Інформовав о тім портал телевізії Sky News. Нетанъягу на стрічі з членами свойой партії Лікуд повів, же цільом є тотална перемога над Гамасом. За словами премєра Ізраіль забє ціле веджіня Гамасу, зато треба продовжовати в боях у вшыткых областях Пасма Ґазы, і война не сміє скінчіти скоріше, як ся досягнуть вшыткы цілі, што буде тырвати місяці, но не рокы. Нетанъягу то выголосив по тім, як бывшый командант америцькых озброєных сил на Близкім выході, ґенерал Кенет Мекензі повів, же успіхы Ізраіля у войні суть затля „барз обмеджены“, значіть малы.

(Медвідь, TASR)