Нїмецько купить од Ізраела три сістемы протиракетовой обраны Arrow 3. Договор підписали у четверь в Берлінї міністры обраны обидвох країн Боріс Пісторіус і Йоав Ґаллант. TASR справу перевзяла з аґентур AFP і  DPA. Берлін бы мав вшыткы три сістемы достати до року 2030. Договор у вышцї приближно 3,3 міліарды евр є найвекшым збройным контрактом в історії Ізраела, уводить AFP. Пісторіус день ёго підписаня означів за історічный про обидви країны. Нїмецько накупом Arrow 3 реаґує на російску войну вочі Українї. Тота сістема бы мала Нїмецьку і ёго сусїднїм країнам додати лїпшу охрану перед потенціоналныма ракетовыма атаками.

(TASR, Шутіова)