По повторюючім унику токсіцкых плинів в обєкті в Бруселі, котрый бывать реґулярным місцем діяня самітів представителів членскых держав Европской унії, ся орґанізаторы вырішыли на послідню хвилю превентивні переложыти його місце діяня до недалеко стаячого будинку, котрый в минулости тыж служыв на подобны цілі. Інформував о тім австрійскый розглас ОРФ с одкликаням ся на секретаріят Рады Европской унії. Обєкт, в котрім ся мав спочатку одбыти самміт одднесь до завтра, вчера по другый раз в перебігу того дыждня мусіли евакуовати про уник токсіцкых плинів. З той причины было вырішено о переложіня місця діяня найвысшой стрічі. В понеділок были пліном выставены дві десяткы людей, 13 з них достали лікарьску поміч в шпиталю.
(Петро Кімак-фейко)