Днесь в польскім місті Любін, в ґрекокатолицькій церькви святых апостолів Петра і Павла ся одбыв похорон Боґдана Ґамбаля, котрый 2-го юла, у віці 55 років одышов до русиньского неба. Боґдан Ґамбаль  наш довгорічный колеґа, приятель быв  русиньскым редактором, основательом і шефредактором першого русиньского інтернетового радія ЛЕМ.фм. Быв тыж носительом Ордена Адолфа Добряньского. Його заслугов была по револуції обновлена і найстарша русиньска орґанізація в Польщі – Стоваришыня Руська Бурса в Ґорліцях.  Вічная йому память і блаженый покій. (ПКФ)