Дітьскый фонд OSN (UNICEF) варовав, же чісло дітей, котры постигло запертя школ з причіны обмеджінь  в часі пандемії коронавірусу SARS-CoV-2, за послідній місяць ся прудко звышыло. Інформувала о тім аґентура DPA. Од початку децембра немать можность ходити до школы скоро каждый пятый учень на цілім світі,  то значіть 320 міліонів дітей, што протів новембру представує наріст о скоро 90 міліонів, увело UNICEF з одкликаням ся на дани Орґанізації Обєднаных народів про едукацію, науку і културу (UNESCO). UNICEF варовав, же запертя школ може мати девастачный вплив на едукацію дітей, їх душевне і фізічне здравя і безпечність. (TASR, Pkf)