Не існують жадны неодкладны обставины, котры бы теперь примушали Мадярьско ратіфіковати вступ Швеції до Североатлантічной аліанції. Выголосив то в понедільок в парламенті председа мадярьской влады Віктор Орбан. З одкликаньом ся на інтернетове выданя денника Népszava о тім інформує аґентура TASR. Премєр на початку осіннього засіданя парламенту підкреслив, же владна партія Fidesz має проблему із шведьскым документарным філмом з року 2019, в котрім ся спохыбнює демокрація в Мадярьску. Подля Орбана не суть жадны безодкладны обставины, жебы ратіфіковати вступ, бо нич не огрожує Швецію. Як додав, не існує жаден стратеґічный елемент шведьско-мадярьскых односин, котрый бы быв пошкодженый, покля бы Мадярьско перед ратіфікаційов тырвало на тім, жебы Штокголм проявив односно Будапешта решпект.

(Медвідь, TASR)