Мадярьскый премєр Віктор Орбан выужывать епідеміолоґічну сітуацію в Мадярьску і крокы проти нового тіпу коронавірусу на далше обогачованя оліґархів близкых його владі. Інформовали о тім мадярьскы опозічны депутаты в реакції на акчный план ожывліня економікы, котрый в понедільок авізовав Орбан. Опозіція крітікує владу, же своїм акчным планом хоче помочі областям як земледільство ці турістічный рух, в котрых діють владі близкы оліґархове, причім обычайных людей зохабив премєр на рішіня судьбы.

(Медвідь, TASR)