Представителі палестіньской самосправы одсудили в понедільок договор о выникнутю новой ізраільской влады. Подля них буде владна коаліція просаджовати анексію палестіньскых теріторій. Палестіньскый премєр Мугаммад Іштая, котрого цітовала аґентура AFP повів, же вытворіня ізраільской анекчной влады значіть конець можливости дводержавного рішіня і демонтаж прав палестіньского народа. На вытворіню шырокой коаліції в понедільок договорили ся ізраільскый дочасный премєр Бенъямін Нетанъягу і його політічный опонент Бенні Ґанц. Влада нужды в часі пандемії бы мала заборонити выголошіню вже четвертых волеб в Ізраілі почас єдного року.

(Медвідь, TASR)