Арменьскый премєр Никол Пашінъян выголосив, же підписав „болістный“ договор з Азербайджаном і Російов о закінчіню войны о спорный реґіон Нагорный Карабах. Інформовала о тім аґентура AFP. Премєр о тім інформовав на соціалній сіті Facebook, причім то означів за болістный крок про нього, але і про народ. Договор став повноміцным в ночі на віторок. Рішіня Пашінъян подля властных слов зробив по аналізі воєньской сітуації. Означів то за найліпше можливе рішіня актуалного стану. Його выголошіня пришло по тім, што азербайджаньскый презідент Ілгам Алієв в неділю інформовав, же його силы обсадили ключове місто Шуша. Алієв по підписі договору повів, же договор є капітуаліцйов неприятельской Арменії.

(Медвідь, TASR)