Проти Европской унії заміряна Brexit Party выграла у Великобрітанії у вольбах до Европского парламенту із здобытком 31,6 процента, чім здобыла 29 із 73 брітаньскых мандатів. То творить величезный тиск на владных конзерватівців, котры у евровольбах потерпіли історічну прогру і піднимать ся тым і можливость брексіту без договру. В понедільок то написала пресаґентура Associated Press, кедь были у Великобрітанії публікованы дефінітівны офіціалны резултаты. Популістічна партія Найджела Фаража, заснована лем три місяці назад, здобыла голосы вдяка гніву людей запричіненому одкладаньом одходу Великобрітанії з Европской унії. Фараж хоче дефінітівно одыйти з Унії 31-го октобра і твердить, же його партія бы мала мати слово і в каждых новых їднанях о брексіті з Бруселом.

 (Медвідь, TASR)