Покы Чехія не буде способна одповідно реаґовати на проблемы і конфлікты за єй границями, може ся стати, же ся достане до ізолації і остане позаду. На конець візіты Латвії то у вівторок повів чеськый презідент Петр Павел.   Підчеркнув, же побалтьскы країны не мають тенденцію ізоловати ся і робити ся, же ся їх проблемы наоколо не дотыкають, як ку тому подля його слов приступають дакотры чеськы політици. Повів тыж, же в Латвії суть владны і опозічны партії єднотны в тім, же найвекшым загрожіньом є Росія і же є безпохыбно потрібно Україну надале підпоровати. (TASR, Пкф)