Польща планує до року 2030 мати 1100 танків, чiм бы чіслом перевышыла Велику Британію, Німецько, Францію і Італію вєдно. Інформує о тім польскый портал TVP. Міністерство обороны в пятніцю підписало договор на накуп 180 танків K2 од южнокорейской сполочности Hyundai Rotem в сумі веце як 6 мiлiярд USD. Тото є другый великый контракт, в році 2022 підписало купу першых 180 танків. До року 2030 планує польске озброєне войско мати к діспозіції 1100 танків. Веце танків як Польща будуть мати в рамках НАТО, окрем США, лем Турція (2238 танків) і Ґреція (1344 танків). Міністер обороны Владіслав Косіняк-Камыш означів контракт за стратеґічный крок про безпечность Польщі і про розвой домашнього обранного примыслу. Польща планує звышыти обранны выдаткы в році 2026 на 5 процент ГДП і як єден з першых членів НАТО бы сповнював новый штандард аліанції. (TASR, Пкф)