x

Польща ся зберать деґрадовати комуністічных ґенералів на годность вояка

00

Польска правицова влада у четверь одголосоавала пропозіцію закона, подля котрой бы Польща мала деґрадовати послїднёго комуністічного водцу в країнї, умершого ґенерала Войцєха Ярузелского і далшых достойніків комуністічной еры, причім своє конаня назвала „актом обновлїня моралного порядку“. Подля премєра Матеуса Моравіецкого ся пропозіція закона ставлять на бік жертв веце як чотырёх десятьріч комунізму в Польщі. Замірно быв приятый в день, коли собі Польща припоминать протикомуністічных боёвників, котрых тогдышнїй режім переслїдовав. Пропозіцію закона мусить іщі одобрити парламент і презідент Андржей Дуда. Высокопоставлены достойници з комуністічной еры бы так были деґрадованы на годность вояка. Мали бы так быти потрестаны за роль, котру зограли за бывшого режіму, главно у звязї з выголошінём станного права, котре в роцї 1981 завів Ярузельскі. Проти предметній пропозіції закона крітічны наміткы взнаесло і дакілько членів польской владнучой партії Право і Справодливость. Інформація была перевзята зо справодайского порталу Teraz.sk.
(Зденка Цітрякова)