Польща уможнить своїм гражданам в референдумі высловити погляд на захованя барьєры на граніцях з Білорусьов, інформовав у понедільок на соціалных сітях міністер обороны Маріюш Блащак, пише аґентура DPA. Референдум одбуде ся 15-го октобра, в день парламентных волеб. Люди будуть одповідати на звіданя, ці суть за „одстороніня барьєры на граніці меджі Польщов і Білорусьов,“ написав міністер. Хоць пліт в часі будованя крітіковали опозічны політіци, в сучасноти, коли Білорусь є близкым союзником Росії, нихто проти плота выразно не высловлює ся. Недавно зачали в Польщі міцьніти страхы з актівностей з російской Ваґнеровой ґрупы в Білоруси, і з роснучого чісла міґрантів з крізовых реґіонів світа, котры пробують дістати ся до Европской унії з Білоруси.

(Медвідь, TASR)