x

Презідент Інтерполу одступив з функції

00

Презідент меджінародной поліцайной орґанізації Інтерпол Менґ Хунґ-вей, котрого наісто затримують в Чайні, одступив зо свойой функції. Nа своїм сайті на Твітері то вчера вечур опублікував Інтерпол. У звязку зо штатутом і внутрішнімя предписами Інтерполу ся його урядуючім презідентом став його віцепрезідент і член выконного выбору Кім Чонґ-янґ з Южной Кореї. Нового рядного презідента выберуть участниці ґенералной асанблеї Інтерполу, котра ся одбуде в новембрі в Дубаю. Новый презідент буде у функції до 2020 року, до часу існуваня мандату дотеперішнього шефа Менґ Хунґ-вея.
(TASR)