Ґреческый премєр Кіріакос Мітсотакіс склав у понедільок приясгу на свій другый функчный період. Стало ся так день по тім, як в парламентных вольбах выграв із свойов партійов Нова демокрація. Мітсотакіс склав присягу в презідентьскім палаці в Афінах. Святочный обряд вів подля традіції голова Ґреческой православной церькви. По зрахованю 99,6 процента голосів партія веджена Мітсотакісом здобыла 40,6 процента і забезпечіла собі абсолутну векшыну в 300-членнім парламенті. Головный рівал, лівіцьова партія СІРІЗА, мала лем нецілых 18 процент, а в парламенті здобыла 48 кресел.

(Медвідь, TASR)