x

Пуждемонт може кандідовати, покля не скінчіть в арешті

00

Іспаньскый міністер загранічных діл Алфонсо Дастіс повів, же каталаньскый лідер може знова кандідовати в децембровых выборах, покля не піде до арешту. Дастіс то повів у неділю на великім згромаджіню в Барцелоні на підпору єдности Іспанії. В суботу Мадрід взяв автономію Каталанії із причіны выголошіня незалежности. Централна влада перевзяла компетенції каталаньскых урядів. Головный іспаньскый прокуратор рихтує судну скаргу проти Пуждемонта і далшых каталаньскых представителів за порушіня іспаньскых законів. Дастіс повів про телевізну станіцю Sky News, же не беруть Каталанії автономію, а хотять єй зновазапровадити. „Усвідомлять собі, же не можуть робити штось без дотримованя законів і узурповати собі власти,“ повів міністер. Премєр Маріяно Рахой іщі в пятніцю выголосив, же вырішыв выписати новы выборы в Каталанії, котры будуть проходити 21-го децембра.
(Петро Медвідь)