Російскый презідент Владимір Путін вчера выголосив, же рішыв безодкладно вызнати такзвану Донецьку і Луганьску народну републіку за незалежны державы. Інформовав о тім в прояві ку народу. Признаня сувереніты тых републік означів за „потрібне“. Подля Путіна є вступ Україны до НАТО допереду доїднаный і є лем вопросом часу. За словами презідента Росії то буде значіти пряме огрожіня Росії. Путін так само нарядив посланя вояків на выход Україны, жебы „утримовали мір“ в сепаратістічных реґіонах. Договоры, котры вчера підписав з такзваныма републіками на выході Україны, уможнюють зрядити там Росії властны воєньскы базы.

(Медвідь, ТASR)