Російскый презідент Владимір Путін в понедільок схвалив серію змін в існуючіх законах, котры Москві дають право іґноровати вердікты загранічных і меджінародных судів. Тот крок подля Reuters мож брати як реакцію на намагы карати російскых урядників і воєньскых офіцірів у припаді підозріня із робліня войновых злочінів на Україні, што Москва довгодобо дементує. На основі схваленых змін буде мати Росіа офіціално право іґноровати вырокы судів у карных ділах, котры вынесли загранічны суды в імени іншых влад без участи Москвы. Росія буде так само годна іґноровати вырокы меджінародных правных орґанів, котрых права не выходять із меджінародного договору із Російов або із резолуції Безпечностной рады Орґанізації зъєдиненых народів.

(Медвідь, TASR)