Російскый презідент Владимір Путін і україньскый презідент Володимір Зеленьскый бісідовали в понедільок телефонічно перед першов особнов стрічов в децембрі. Інформовала о тім аґентура Associated Press. Ку темам розговору презідентів належали їднаня, котры ведуть Росія, Україна і Европска унія з цільом забезпечіти продовжованя додаваня російского земного ґазу европскым одберателям ґазоводами, котры ідуть через Україну. Спор у 2009-ім році вів ку недостатку ґазу многых европскых держав почас зимы. Зеленьскый повторив пожадавку, жебы Росія вернула документы з трьох шыф, котры Росія затримала у 2018-ім році і вернула їх Україні минувшый тыждень. Не споминав ся саміт, котрый буде проходити 9-го децембра в Паріжу в такзванім нормандьскім форматі і має рішыти конфлікт на выході Україны.

(Медвідь, TASR)