Російскый презідент Володимир Путїн у віторок выразив пересвідчіня, же російска вакціна Sputnik V го охранить і превкаже высоку міру охраны проти захворіню COVID-19. Свій побіт в карантенї зарівно означів за експерімент, інформовали аґентуры AFP i Interfax. Путїн увів, же в ёго близкій околіцї ся находить дакілько людей, котры ся коронавірусом наказили. Єден з них быв доконця заочкованый. Подля Путїновых слов у того чоловіка клесла уровень протилаток а зато ся дав переочковати. Але асі уж было пізно, затоже три днї по поданю очковачой латкы захворів. Путїн быв з тов особов цїлый день. Презідент сітуацію означів за природный експерімент. ,,Зістиме, як в праксі фунґує Sputnik V, затоже подля остатных інформацій мам высоку уровень тітрів (протилаток),“ повів.

(TASR, Шутіова)