x

Росія і Білорусія ся верли ку контролям на сполочній граніцї

00

Білорусія часточно обновила контролї на граніцях зо сусіднёв Росіёв, увів то в середу білорусійскый міністер загранічных дїл Сіаргей Алейнік. Аґентура AFP у своїй справі додала, же є то першый раз по 28 роках, што ся на 1239 кілометрів довгій граніцї зачали зась робити контролї. Подля шефа білорусійской діпломації контролї особ, котры перейдуть біло-русійскы граніцї выконавають білорусійскы погранічници в узскій сполупрацї зо своїма російскыма колеґами. Декларовав тыж, же ,, в скуточности не іде о контролю, скоріше о моніторованя сітуації на граніцях.“ Додав, же цїлём заведжіня гранічных контроль є забранити вступу штатных прислушників третїх країн до Білорусії перед імплементаціёв меджівладного договору о взаємнім узнаню віз. Людьскоправны актівісты сі але думають, же гранічны контролї суть напрямены на Росіянів, котры ся намагають выгнути мобілізації до російской армады.

(TASR, Шутіова)