Одход Британії з Европской унії бы міг быти наконець одложеный аж на рік 2021. З одкликаням ся на неназваны джерела з Европской унії то вчера опубліковала словацька пресова аґентура TASR. План одкладу брехіту на рік 2021 днесь за словами уведженых джерел, досліджують ныйвысшы представникы Европской унії. Застанцьом одложіня брехіту на пізнішый термін, як є днешній 29. марец 2019, є і председа Европской рады Доналд Туск.  В данім припаді бы Британія остала членьсков країнов EÚ і в часі 21-місячного періоду, котрый актуалні мав быти переходным періодом по брехіті. В такім припаді бы ся вытворив дальшый простор про дебаты о будучіх односинах меджі Европсков унійов і Британійов. (TASR, Pkf)