Главным цільом днешнього выняткового засіданя Европской рады в Бруселі є досягнути компроміс членьскых країн евроблоку на ревізії довгочасового розрахунку Европской унії (ЕУ) і забезпечіти пакунок фінанчной помочі про Україну на найближшы штирї рокы. Лідры влад і штатів попробують вырішыти сітуацію, котру на децембровім самміті ЕУ заблоковав мадярьскый премєрь Віктор Орбан. Як Орбан на самміті знову поужыє право вета і забранить єдноголосному одобріню фінанчной помочі ЕУ Україні, Европска комісія запропонує заложный план. Тактзваный “план Б“, без участі Мадярьска, з 26 країнами Унії, бы подля неназваных діпломатів з оточіня ЕУ быв реалізуваательный, але складный з політичного боку. (TASR, Pkf)