Молдавска презідентка Мая Санду выголосила, же покля бы даколи проходив референдум о соєдиненю Молдавії із Румунійов, голосовала бы за. Подля їй слов є про Молдавію штораз тяжше „пережыти“ окремо, інформує портал Politico. Молдавія была частьов Румунії в роках 1918 аж 1940, кедь єй анектовав Совітьскый союз. Незалежность выголосила у 1991-ім році. „Пережытя демокрації і сувереніты малых країн, як є Молдавія, є штораз складнішым, так само як одоловати впливу Росії,“ повіла презідентка в брітаньскім подкасті The Rest is Politics. Подля порталу Politico баданя в Молдавії назначують, же аж дві третины людей суть проти соєдиненя із Румунійов, в Румунії ся ідея єдной державы стрічать із векшов підпоров.

(Медвідь, TASR)