Северна Корея правдоподобно має проґрес у розвитку свого ядрового проґраму. Выходить то з тайной справы Орґанізації зъєдиненых народів, інформовала аґентура DPA. Северна Корея мала подля цітованой справы правдоодобно выробити мініатурны ядровы заряджіня, котры вмістять ся до голов балістічных ракет. Подля справы Северна Корея продовжує у розвитку свого ядрового порґраму включно выробы высоко збогаченого урану і експеріменталного легководного реактора. Факт, же вождь Кім Чонґ-ун має амбіцію выробити про свою країну ядрову зброю, не є жаднов таємніцьов, пише аґентура. Лем недавно дав Кім публічно знати, же арзенал зброї поважує за „ґаранцію безпечности“.

(Медвідь, TASR)