x

Сербске радіо Novi Radio Sombor приность текстовы вісти і в русиньскім языку

10

Сербске місто Сомбор находить ся на граніці з Хорватійов у автономній области Войводина, в котрій жыє русиньска народностна меншына. Як раз в тім місті радіо Novi Radio Sombor на своїм порталі уж вецей як місяць приность текстовы вісти і в русиньскім языку. Редакція порталу інформаціями в русиньскім языку росшырила языковы мутації денных вістей, котры уж передтым на сайті появляли ся окрім сербского языка так само по мадярьскы і в языку бунєвской народностной меншыны. Інформації покы не прибывають каждый день, но дотеперь мали статі публікованы по русиньскы понад 11 тісяч чітателів. Хоць портал радія Novi Radio Sombor не хоснує сербску кірілику у своїх статях, але штораз меджі Сербами популарнішу латиніку, русиньскы статі вырішыла редакція писати кіріліков, жебы як інформовала дотримувала норму, в котрій є русиньскый язык кодіфікованый.
(Кімак-Фейко)