Україньскый презідент Володимір Зеленьскый є приготовленый стрітити ся із російскым презідентом Владиміром Путіном і їднати о спорных теріторіях, як і о Російов окупованій Запоріжскій ядровій електрарні. В розговорі про денник Європейська правда то повів україньскый міністер загранічных діл Андрей Сибіга. В одповіді на вопрос о переговорах о закінчіню войны, котры в Абу Забі проходили за участи делеґацій Росії, Україны і Споєных штатів, Сибіга потвердив, же ключовы вопросы лишыли ся невырішены: теріторії і доля ядровой електрарні. Росія тырвать на тім, жебы україньскы вояци стягли ся із вшыткых областей Донбасу, включно тых, котры не суть окупованы російсков армійов. Україна то поважує ся неприятельне. Київ так само тырвать на стягнутю російскых вояків із Запоріжской ядровой елелктрарні, покля Споєны штаты пропонують сполочну контролю над ньов із Російов. Подля Сибігы Зеленьскый є приготовленый стрітити ся із Путіном, жебы тоты два ключовы вопросы вырішыти.

(Медвідь, TASR)