Авдіт даный французьков владов вказав, же скоро 840 мостів на території Франції є важно пошкодженых і в найближшых рокох грозить їх зручіня. Выслідкы принесла пресова аґентура АП. За опублікованыма інформаціями є потрібно зреалізувати ремонт на третині з цілкового чісла 12.000 мостів, котры суть у Франції в справі штату. Скоро сім процент даных мостів є притім в стані, котры представують „різіко паджіня“. тото бы ся могло стати в найближшых роках, покы остануть призанчены кошты на днешній уровні. Париж представив резултат аудіту іші в юло, на актуалности шак набрали потім, як у вівторок пав далничный мост в італійскім Янові, де о жывот прийшло найменей 43 людей.
(TASR)