Словінска влада позаставила фінанцованя тамтешньой Словінской пресовой аґентуры (STA), котрой справы остро крітізував председа влады Йанез Йанша, повів о тім представитель владного уряду про комунікацію (UKOM). Як вчера інформувала аґентура AFP, владный уряд про комунікацію выголосив, же ,,неможеме фінанцовати STA і неможеме підписати новый договор на рік 2021‟. Причінов є, же веджіня STA недало пожадованы дани о фінанчных опареціях пресовой аґентуры. UKOM каждорочні давав пресовій аґентурі коло двох міліонів евр. STA была заснована в 1990-ім року, кедь Словінско вырішыло ся одлучіти од бывшой югослованской федерації. (TASR, Pkf)