Почітачовы гры, котры обсягують сімболы з націстічной еры, як наприклад свастіка, бы ся в будучности могли продавати і в Нїмецьку, де были дотеперь заказаны. Як інформовала аґентура Reuters, ознамив то у четверь Нїмецькый уряд про реґулацію сферы забавного соґтверу, котрый одобрує, ці ся почітачова гра дістане на нїмецькый торг. Такы сімболы будуть мусїти быти поужыты сполоченьскы акцептовательным способом, причім уряд буде посуджовати каждый припад окремо. Директорка уряду увела, же сполоченьскы акцептовательным в тім контекстї значіть, же сімболы протиуставных орґанізацій можуть быти вывжыты, кедь суть зображены з умелецькым або научным цїлём або помыгають зображовати актуалны або історічны подїї. За сполоченьскы акцептовательны будуть поважовати напр. вшыткы почітачовы гры, котры ся явнї ставляють на одпор проти протиуставным орґанізаціям ці їх ідеолоґіям.
(TASR)