Републікан Доналд Трамп днесь по акті даню обіцаня офіціално стане ся в ряді 47-ым презідентом США. До Білого дому, о котрый в новембровых вольбах бойовав з віцепрезідентков Камалов Гаррісовов, верне ся  по штирьох роках. Інавґурація старонового  америцького презідента одбуде ся подля станіці BBC в ротунді будовы Капітолу і то з причіны низькых температур. Трамп і його будучій віцепрезідент Й. Д. Ванце дають обіцяня в часі славностного церемоніалу, котрого зачаток є напланованый на 18.00 год нашого часу. Трамп наслідно выступить з інавґурачным приговором, в котрім представить свої цілі на найближшы штирі рокы. (TASR, Pkf)