Дакілько членам NATO написав писма америцькый презідент Доналд Трамп. Жадать їх, жебы давали веце фінанцій на оборону. Трамп їм написав, же США страчають терпезливость із державами, котры собі в рамках аліанції не повнять обовязкы. Писма дістали напирклад представителі Норвеґії, Німецька, Канады ці Белґії. Як інформовав денник New York Times, Білый дім їх мав загнати іщі минулый місяць. Трамп ся зо своїма союзниками із аліанції має стрітити слідуючій тыждень на саміті в Бруселі. NATO має встановленый ціль, же на оборону має членьска держава давати 2 проценты грубого домашнього продукту. Тото не повнить ани Словакія. Моментално ся давать на словацькый резорт обороны коло 1,2 процента.
(TASR, Медвідь)