Америцькый презідент Доналд Трамп у четверь выголосив, же запре южну граніцю Споєных штатів, жебы такым способом заставити приход міґрантів. Влады Гондурасу, Ґватемалы і Салвадора обвинив, же роблять мало про то, жебы забранили переходу міґрантів до Мексіка. Іщі в середу крітізовав Трамп середнёамерицькы країны і погрозив їм обмеджінём фінанчной допомогы, кедь масівну міґрацію не заставлять. Охрана граніцї є подля Трампа важнїша як недавно досязнутый обходный договор з Мексіком, зато од мексіцькой влады жадать заставлїня напору міґрантів, жебы не мусїв покликати на южну граніцю америцьку армаду.
(TASR, Цітрякова)