Три далшы шыфы наложены зерном днесь выплавають з Україны. Уможнює то договор меджі Москвов і Кієвом, забезпеченый Турціёв і Орґанізаціёв Споєных народів (ОСН), котра рушыть російску блокаду україньского побережа. У четверь то ознамив турецькый міністер обраны Гулусі Акар, на котрого ся одкликала тискова аґентура AFP. Москва і Кієв ся минулый місяць в Істанбулї договорили, же першыраз од інвазії Росії і Україны обновлять вывоз пшеніцї і далшого зерна з україньскых приставів, котры Росія дотеперь блоковала. Перша шыфа наложена 26.000 тонами кендеріцї выплавала з Одесы в понедїлёк 1. авґуста а мать напрямено до лібаноньского приставу Тріполіс северно од Бейруту. Україна тот тыждень інформовала, же мать далшых 16 шыф наложеных зерном  а суть приготовлены выплавати з приставів.

(TASR, Шутіова)