Предсидателька Европской комісії Урсула фон дер Леєнова вырішыла кандідовати на свій другый мандат на чолі екзекутівы Европской унії. Замір знова кандідовати оголосила на засіданю Хрістіаньскодемократічной унії (CDU) в Берліні, інформує аґентура DPA.  CDU є членом Европской людовой партії, котра має подля бадань найвекшы шансы здобыти найвеце голосів у слідуючіх вольбах до Европского парламенту. В припаді зновузволіня за шефку Европской комісії бы Урсула фон дер Леєнова стала найвызначнішов політічков, котра представлять 450 міліонів жытелів Унії. У 2019-ім році стала першов женов на чолі Европской комісії.

(Медвідь, TASR)